NOTÌZIAS E CONTOS Dapói d’anni ambarèndi, li casi fraicàti pa’ l’artiglieria, chi s’agàttani illu stradòni provinciali 147 chi da Telti anda vel di Mònti, torraràni in vita e venaràni appustati pa’ fraicà un lócu di riabilitaziòni, casi pa’ lu sport e camìni pa’ turrà a stà bè indrèntu a 32 èttari di buscu chi sò inghjiriòni a li casi mattèssi.
In chistu sittu, pòstu inn un lócu strategicu e chi si pó ragghjunghjì cun poca cosa punèndi in còntu ancóra cantu è accultu la citài di Tarranóa, arà a nascì un sittu umbè addananzi pa’ lu capu a tramuntàna di la Saldìgna chi pó fa stragnà passòni cun disabbilitài di diffarènti galitài chi, in chistu lócu aràni la pussibbilitài di sighì lu só’ camìnu di riabilitaziòni.
Di li 30 casi chi s’agàttani illu sittu undi v’éra l’artiglieria, sò 5 chissi appustati pa’ lu primma lottu di trabaddhi e, illa casa più manna venarà fraicàta una palestra pa’ la riabilitaziòni di malati “Psico-fisichi”, l’alti casi venaràni turràti a punì a puntu e pripparàti pa’ stà affattenti a fraicà di li camasini e camìni sanitari di diffarènti galitài.
“Sèmu orgogliosi abbeddhu di lu cumènciu di chisti trabaddhi palchì pinsèmu chi sia ‘mpultanti umbè la posta inn ópara di un sittu riabilitativu in chistu lócu in mèzu a la Gaddhura puntèndi ancóra innantu a l’accriditamèntu di la Regiòni Saldìgna – à dichjaràtu lu Sìndacu di Telti ‘Ittóriu Pinducciu –. Puntèmu a aé altu finanziamènti pa’ turrà in vita altu casi d’imprià a sitti sanitari, di sport e d’abbènti”.
